बाढी र पहिरोका कारण क्षतिग्रस्त बनेको इलाममा पुगे मन्त्री घिसिङ, प्रदेशले भने थाहै पाएन

काठमाडौं । गत भदौं १८ गते बाढी र पहिरोका कारण क्षतिग्रस्त बनेको इलाम जिल्लाको निरीक्षणका लागि भौतिक पूर्वाधार विकासमन्त्री कुलमान घिसिङ पुगेका छन् ।

शनिबार भौतिक पूर्वाधार सचिव, गृहसचिव र नेपाल प्रहरी प्रमुखलाई साथमा लिएर पुगेका उनले बाढी पहिरो प्रभावित क्षेत्रको निरीक्षणपछि छलफल गरेर फर्किए । मन्त्री निरीक्षणका लागि पुग्दा प्रदेश सरकारका प्रतिनिधि भने सहभागी थिएनन् ।

मन्त्री घिसिङ आएको र गएको प्रदेश सरकारका पदाधिकारीले औपचारिक जानकारी नै पाएनन् । विगतमा भने संघीय मन्त्री आउँदा प्रदेशका मन्त्री पुग्थे । जेनजी आन्दोलनपछि बनेको सरकारका मन्त्री आउँदा प्रदेश सरकारसँग समन्वय गरेका छैनन, समन्वय नहुँदा प्रदेशको सहभागिता पनि भएको छैन ।