Kamal Tamang 
काठमाडौं । शरीरमा पेट्रोल छर्केर आत्मदाह प्रयास गरेकी गायिका नितु पौडेलको मृत्यु भएको छ ।कीर्तिपुरस्थित वर्न अस्पतालमा उपचारको क्रममा उनको मृत्यु भएको हो ।पौडेलले शनिबार अनामनगरस्थित एक स्टुडियो अगाडि शरीरमा पेट्रोल छर्केर आत्मदाह प्रयास गरेकी थिइन् ।
जिल्ला प्रहरी परिसर काठमाडौंका एसपी तथा प्रवक्ता पवनकुमार भट्टराईका अनुसार शुक्रबार बिहान साढे ८ बजे उनको मृत्यु भएको हो । आफ्नै शरीरमा आगो लगाएर गम्भीर घाइते भएपछि उनलाई उपचारका लागि अस्पताल लगिएको थियो ।
यो घटनामा प्रहरीले यसअघि गायक बाबुल गिरीलाई बोलाएर सोधपुछ गरेको थियो। अहिले पनि गिरी प्रहरीकै सम्पर्कमा रहेका छन् ।उनीविरुद्ध भने कुनै जाहेरी नआएको परिसरका एसपी भट्टराईले बताए ।
