Kamal Tamang 
काठमाडौं । सप्तकोशी सिमेन्ट लिमिटेडले धितोपत्रको प्रारम्भिक सार्वजिनक निष्कासन (आईपीओ) जारी तयारी गरेको छ। कम्पनीले आईपीओ निष्कासनका लागि सिद्धार्थ क्यापिटललाई धितोपत्र निष्कासन तथा बिक्री प्रवन्धकको रुपमा नियुक्त गरेको छ।
कम्पनीले प्रतिकित्ता १०० रुपैयाँ अकित मुल्यमा चुक्ता पुँजीको २० प्रतिशत शेयर सर्वसाधारणमा निष्कासन गर्ने भएको हो । आईपीअने निष्कासनको लागि १० मंसिरमा कम्पनी बिक्री प्रबन्धक नियुक्ती सम्झौतामा हस्ताक्षर गरेको छ ।
सम्झौतापत्रमा सप्तकोशी सिमेन्टका तर्फबाट अध्यक्ष श्रीमती मोना जालान र सिद्धार्थ क्यापिटल लिमिटेडका तर्फबाट प्रमुख कार्यकारी अधिकृत सन्दिप कार्कीले हस्ताक्षर गरेका छन् ।
सप्तकोशी सिमेन्टको दैनिक उत्पादन क्षमता ६०० टन छ । कम्पनीले नेपाल गुणस्तरको निर्धारित मापदण्ड अनुसार पी।पी।सी। ४३ र ५३ ग्रेडको ओ।पी।सी। सिमेन्ट उत्पादन गर्दै आएको छ। कम्पनीले सन् २०१९ देखि निरन्तर संचालन नाफा कायम राख्न सफल भएको छ ।
पूर्वी नेपालमा करिब २० प्रतिशत बजार हिस्सा ओगटेको कम्पनीको दाबी छ । आर्थिक वर्ष २०८१–८२ मा कम्पनीले अघिल्लो वर्षको तुलनामा २७ प्रतिले बिक्री आम्दानी बढाएको त। यस्तै आ।व। २०८१र८२ को नाफाबाट कम्पनीले १२ प्रतिशत बोनस सेयर पनि जारी गरेको थियो ।
