रास्वपालाई छुनै हुँदैन, गाली गरिहाल्छन् भन्ने छवि बनेको छ, अब अराजक छविबाट बाहिर निस्कनुपर्छ : रवि लामिछाने

काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेले आफ्ना नेता, कार्यकर्ता र समर्थकहरूमा विजयीको उन्माद देखिएको बताएका छन्।  ललितपुरमा आयोजित अभिमुखीकरण कार्यशालामा समापन मन्तव्य राख्दै सभापति लामिछानेले अत्यधिक मत आएका कारण नेता कार्यकर्ताहरूमा विजयको उन्माद देखिएको र त्यो कदापि स्वीकार्य नहुने बताएका हुन्। 

ुविजेता हुनुको अर्थ जिम्मेवार हुनु हो। विजेता हुनुको अर्थ छाडा हुनु होइन। विजयी हुनुको अर्थ विपक्षीहरूलाई कटाक्ष गर्ने अधिकार प्राप्त गर्नु होइन। त्यो लोकतन्त्रको चरित्र होइन, उनले भने।रास्वपाका समर्थकहरू अराजक छन् भन्ने आरोप लागेको पनि उनले बताए। त्यस्ता आरोपहरू खण्डन गर्ने जिम्मेवार अब आफूले १८२ जना सांसदहरूको काँध पनि बाँडेको उनले बताए। 

ुरास्वपालाई प्राय अराजक छन्। रास्वपा समर्थकहरू अत्यन्त धेरै असहिष्णु छन्। सामाजिक सञ्जालमा गाली गलौजमा उत्रिन्छन्। व्यक्तिगत गाली गलौजमा उत्रिन्छन्। छुनै हुँदैन, बोल्नै हुँदैन, गाली गरिहाल्छन् भन्ने छवि बनेको छ। अब त्यसबाट बाहिर निस्कनुपर्छ, उनले भने।सभापति लामिछानेले स्थापनाको तीन वर्षमा रास्वपाले आक्रमण झेल्दै आएका कारण पनि आफ्ना कार्यकर्तालाई राम्ररी प्रशिक्षण गर्न नपाएको बताएका छन्। 

ुयही समाजको पात्रहरू भएका कारण तपाईं विभिन्न तह र तप्कामा लिनुभएको प्रशिक्षणले तपाईंको व्यक्तिगत आचरणलाई देखाउँछ त्यसकारण सम्पूर्ण रास्वपा समर्थकहरूलाई जिम्मेवार भएर अभिव्यक्त हुन, सामाजिक सञ्जाल र सार्वजनिक मञ्चहरुमा अत्यन्त जिम्मेवार भएर प्रस्तुत हुन अनुरोध गर्छु। यो देशले जितेको हो हामीले प्रमाणीत गर्नुपर्नेछ, उनले भने।