Kamal Tamang 
काठमाडौं । नेपाल माइक्रो इन्स्योरेन्सको सेयर मूल्य पछिल्लो एक महिनाको अवधिमा २७.३३ प्रतिशतले वृद्धि भएको छ । यो कम्पनीको सेयर मूल्य असोज १२ गतेको तुलनामा कात्तिक १३ गते ३१३ रुपैयाँले बढेको हो ।
असोज १२ गते १ हजार १४५ रुपैयाँमा कारोबार बन्द भएको यो कम्पनीको सेयर मूल्य बिहीबार (कात्तिक १३ गते) १ हजार ४५८ रुपैयाँ पुगेको छ । बिहीबार मात्रै यो कम्पनीको सेयर मूल्य ११० रुपैयाँले बढेको थियो ।
यो कम्पनीको सेयर मूल्य पछिल्लो ५२ हप्तामा सबै भन्दा उच्च मूल्य २ हजार ७०३ रुपैयाँ ३० पैसा पुगेको थियो । यो कम्पनीको २२ लाख ५० हजार कित्ता सेयर पब्लिकको रहेको छ । ५२ लाख ५० हजार कित्ता सेयर भने संस्थापक सेयर रहेको छ ।
