Kamal Tamang 
काठमाडौं । नेपाल इन्भेस्टमेन्ट बैंकले चालु आर्थिक वर्षको पहिलो त्रैमासमा ४ करोड ५० लाख रुपैयाँ नाफा गरेको छ । बैंकले शुक्रबार जारी गरेको त्रैमासिक वित्तीय विवरणअनुसार यो आर्थिक वर्षको तीन महिनामा सो नाफा आर्जन गरेको हो ।
यो नाफा अघिल्लो वर्षको तुलनामा भने भारी कम हो । यो अवधिमा खुद नाफा ९६।९२ प्रतिशत घटेको छ । बैंकको गत वर्षको यसै अवधिमा यस्तो नाफा एक अर्ब ४६ करोड रुपैयाँ थियो ।
चालू आर्थिक वर्षको बैंकको खुद ब्याज आम्दानी पनि घटेको छ । यस्तो आम्दानी पहिले ३ अर्ब ८७ करोड रुपैयाँ रहेकोमा अहिले ३ अर्ब २४ करोड रुपैयाँ छ ।
