Kamal Tamang 
काठमाडौं । अब पालो टी–२० वर्ल्डकपको यही खेल उत्सवको उमङ्गलाई थप उचाइमा पुर्याउन नेपालको सर्वाधिक विश्वासिलो सिजी ब्रान्डले ‘सिजीको साथमा, वर्ल्डकप टिकट हातमा’ भन्ने मूल नाराका साथ आफ्नो नयाँ उपहार योजना सार्वजनिक गरेको छ।
आगामी आईसीसी टी–२० वर्ल्डकपको उत्साहलाई मध्यनजर गर्दै ल्याइएको यस योजना अन्तर्गत ग्राहकहरूले सिजी ब्रान्डका सामानहरूको खरिदमा हातखाली नजाने पक्का उपहारहरू र बम्पर उपहारमा मुम्बईको विलासी भ्रमण जित्ने अवसर पाउने कम्पनीले जनाएको छ ।कम्पनीका अनुसार, “बम्पर उपहारमा विजेताहरूले आईसीसी टी–२० वर्ल्डकप मुम्बईको पूर्ण भ्रमण प्याकेज प्राप्त गर्नेछन्।
विजेताले ५ दिने मुम्बई भ्रमणको अवसर प्राप्त गर्नेछन्, जसमा दुईतर्फी हवाई टिकट, तारे होटेलमा बसाइ र खानपिनको सम्पूर्ण सुविधा, मुम्बई सिटी टुर र मुम्बईको वानखेडे स्टेडियममा हुने ‘नेपालको खेलको टिकट समावेश गरिएको छ।
कम्पनीका अनुसार, बम्पर उपहार बाहेक सिजी ब्रान्डका विभिन्न उपकरणहरूको खरिदमा ग्राहकले हातखाली नजाने गरी पक्का उपहारहरू प्राप्त गर्न सक्नेछन्।
जसमा माइक्रोवेभ ओभनको खरिदमा निस्शुल्क कुकिङ किट, सिजी तथा सिजी मेरिडियाको ४३ इन्च भन्दा माथिका टेलिभिजनको खरिदमा ९ महिनाको नेट टिभी सब्स्क्रिप्शन, त्यसको साथसाथै सिजी ब्रान्डको फ्रन्ट लोड वाशिङ मेसिनको खरिदमा ३ केजी एरियल पाउडर र सिजी ब्रान्डको टप लोड वाशिङ मेसिनको खरिदमा सिजी ब्रान्डको इलेक्ट्रिक केटल प्राप्त गर्न सक्नेछन्। यो योजना मंसिर २९ गतेदेखि नेपाल अधिराज्यभर सीमित अवधिको लागि लागू गरिएको छ।
