Kamal Tamang 
काठमाडौं । बितेको २४ घण्टाको अवधिमा भएका छुट्टाछुट्टै सवारी दुर्घटनामा २४ जनाको मृत्यु भएको छ । धादिङको बेनिघाट रोराङ गाउँपालिका–५ भैंसीगौडास्थित सडकमा पोखराबाट काठमाडौँतर्फ आउँदै गरेको ग.२ ख १४२१ नम्बरको बस गएराति अनियन्त्रित भई सडकबाट करिब २०० मिटर तल त्रिशुली नदीको किनारमा खसेर भएको दुर्घटनामा १९ जनाको मृत्यु भएको छ।
साथै घाइते भएका २५ मध्ये १४ जनाको राष्ट्रिय ट्रमा सेन्टर काठमाडौंमा, १० जनाको नेशनल मेडिकल कलेज कलंकीमा र १ जनाको टिचिङ अस्पताल मलेखुमा उपचार भइरहेको छ।यसैगरी नवलपरासी पूर्वको गैंडाकोट नगरपालिका(७को जानकी ग्यास अगाडि सडकमा ना।६३ प ९३९० नम्बरको मोटरसाइकललाई लु।२ ख ४४६१ नम्बरको बसले ठक्कर दिँदा मोटरसाइकल चालक, बिजेन पुलामी ९१८० को मृत्यु भएको छ।
घाइते उनलाई नयाँ मेडिकल कलेज भरतपुरमा उपचारको क्रममा मृत्यु भएको हो। दुर्घटनामा घाइते अन्य १ जनाको सोही अस्पतालमा उपचार भइरहेको छ। बस चालकलाई प्रहरीले नियन्त्रणमा लिएको छ।
बर्दियाको बाँसगढी नगरपालिका(३ मानखोलास्थित सडकमा पनि भे.११ प ८४५३ नम्बरको मोटरसाइकलको ठक्करबाट साइकलयात्री, राजबाबु खान ९४०० को मृत्यु भएको छ। गम्भीर घाइते भएका उनको कोहलपुर मेडिकल कलेज बाँकेमा उपचारको क्रममा मृत्यु भएको हो। मोटरसाइकल चालकलाई प्रहरीले नियन्त्रणमा लिएको छ।
त्यसैगरी बर्दियाको राजापुर नगरपालिका–८ भोकपुरस्थित सडकमा गुलरियाबाट राजापुरतर्फ जाँदै गरेको से.५ प ९८३८ नम्बरको मोटरसाइकल अनियन्त्रित भई दुर्घटना हुँदा चालक, लोहर मान थारू (५६) को मृत्यु भएको छ।
गम्भीर घाइते भएकालाई भेरी अस्पताल नेपालगंज बाँकेमा उपचारको क्रममा मृत्यु भएको हो। कालिकोटको तिलागुफा नगरपालिका–१ भिग्मास्थित सडकमा कालिकोटबाट नाग्मागार्डतर्फ जाँदै गरेको सु।प।प्र ०१–००२ त ७१७८ नम्बरको ट्याक्टर दुर्घटनामा परेको छ। चालक, भिम नेपाली (२२) को कर्णाली स्वास्थ्य विज्ञान प्रतिष्ठान जुम्लामा उपचारको क्रममा मृत्यु भएको हो।
डोटीको बोगटान फुड्सिल गाउँपालिका–३ धौलाबस्तीस्थित सडकमा पनि मेल्टाबाट दिपायलतर्फ जाँदै गरेको सु.प.प्र. ०३–००१ च ००१४ नम्बरको बोलेरो दुर्घटना हुँदा बोलेरोमा सवार, जुना देवी साउँद (६६) को मृत्यु भएको छ। गम्भीर घाइते उनको सेती प्रादेशिक अस्पताल धनगढीमा उपचारको क्रममा मृत्यु भएको हो।
दुर्घटनामा घाइते बोलेरो चालकसहित ३ जनाको माया मेट्रो अस्पतालमा उपचार भइरहेको छ। दुर्घटनाबारे स्थानीय प्रहरीले आवश्यक अनुसन्धान गरिरहेको प्रहरी प्रधान कार्यालयको केन्द्रीय समाचार कक्षले जनाएको छ ।
Kamal Tamang 
