Kamal Tamang 
काठमाडौँ । जलविद्युत् कम्पनीले सर्वसाधारणका लागि प्राथमिक शेयर (आईपीओ) निष्काशन तथा बिक्री खुला गरेको छ। इच्छुक लगानीकर्ताले आजदेखि आवेदन दिन सक्नेछन्।
कम्पनीले प्रतिकित्ता १०० रुपैयाँ अंकित मूल्यमा कुल १४ लाख २७ हजार ६०० कित्ता साधारण शेयर सार्वजनिक निष्काशनमा ल्याएको हो। यसबाट कम्पनीले १४ करोड २७ लाख ६० हजार रुपैयाँ बराबरको पूँजी संकलन गर्ने लक्ष्य राखेको छ।
लगानीकर्ताले न्यूनतम १० कित्ता र अधिकतम १० हजार कित्तासम्मका लागि आवेदन दिन सक्ने व्यवस्था गरिएको कम्पनीले जनाएको छ। आईपीओ बिक्री अवधि छिटोमा असार ८ गतेसम्म रहनेछ। सो अवधिमा पूर्ण आवेदन नपरेमा निष्काशन अवधि असार १७ गतेसम्म लम्ब्याइनेछ।
सोलुखुम्बु जिल्लामा रहेको १२ मेगावाट क्षमताको सञ्चालन गरिरहेको कम्पनीले आयोजनाको कुल लागत करिब २ अर्ब ३६ करोड ९३ लाख रुपैयाँ रहेको जनाएको छ। आयोजनाको प्रतिमेगावाट लागत करिब १९ करोड ७४ लाख रुपैयाँ रहेको छ।
कम्पनीका अनुसार आयोजनाको विद्युत् उत्पादन अनुमतिपत्रको अवधि अझै २८ वर्ष ९ महिना बाँकी रहेको छ। आयोजनामा गरिएको लगानी सामान्य आधारमा ६.४० वर्षभित्र फिर्ता हुने अनुमान गरिएको छ भने डिस्काउन्टेड आधारमा लगानी फिर्ता अवधि ८.९४ वर्ष रहेको उल्लेख गरिएको छ। आईपीओ निष्काशन तथा बिक्री व्यवस्थापनको जिम्मेवारीले सम्हालेको छ। इच्छुक लगानीकर्ताले आफ्नो डिम्याट खातामार्फत आवेदन दिन सक्नेछन्।
